BBMA POLICE E:NEWS// జూబ్లీహిల్స్ పోలీసుల బస్ట్ – విదేశీ ఉద్యోగాల మోసం గ్యాంగ్ బహిర్గతం, ఇద్దరు అరెస్ట్

హైదరాబాద్‌లోని Jubilee Hills పోలీస్‌లు విదేశీ ఉద్యోగాల పేరుతో మోసం చేస్తున్న గ్యాంగ్‌ను బట్టబయలు చేశారు. “ట్రివియల్ చాప్టర్” పేరుతో కార్యకలాపాలు నిర్వహిస్తున్న ఈ ముఠా నిరుద్యోగ యువతను లక్షల రూపాయలతో మోసం చేసినట్లు పోలీసులు వెల్లడించారు. ఈ కేసులో లంక నిరూపమ (A7), మామిడి అరుణ్ రాజ్ (A8)లను అరెస్టు చేశారు.

ఈ నిందితులు Greece, Romania వంటి దేశాల్లో ఉద్యోగాలు కల్పిస్తామని చెప్పి ఒక్కో వ్యక్తి నుండి ₹4 లక్షల నుండి ₹5 లక్షల వరకు వసూలు చేశారు. డబ్బులు తీసుకున్న తర్వాత నకిలీ ఆఫర్ లెటర్లు ఇచ్చి బాధితులతో సంబంధాలు తెంచుకున్నారు. సోషల్ మీడియా వేదికలైన Instagram, Facebook ద్వారా నమ్మకం కల్పించి మోసం చేసినట్లు విచారణలో తేలింది.

ఇంకా ఎనిమిది మంది నిందితులు పరారీలో ఉండగా, వారి కోసం పోలీసులు గాలింపు చర్యలు చేపట్టారు. విదేశీ ఉద్యోగాల కోసం వెళ్లే వారు అధికారిక అనుమతులు ఉన్న ఏజెంట్లను మాత్రమే సంప్రదించాలని పోలీసులు సూచించారు.

BBMA POLICE E:NEWS// అంబేద్కర్ జయంతి సందర్భంగా నివాళులు, రహదారి భద్రత ప్రతిజ్ఞ

BBMA POLICE E:NEWS// అంబేద్కర్ జయంతి ఉత్సవాల సందర్భంగా పట్టణంలోని కోర్టు సెంటర్ వద్ద భారతరత్న డా॥ బి.ఆర్. అంబేద్కర్ విగ్రహానికి ప్రభుత్వ విప్, డోర్నకల్ ఎమ్మెల్యే డాక్టర్ జాటోత్ రామచంద్రునాయక్, జిల్లా కలెక్టర్ స్నేహ శబరీష్ పూలమాలలు వేసి ఘనంగా నివాళులర్పించారు. ఈ సందర్భంగా వారు అంబేద్కర్ గారి సేవలను స్మరించుకుని, సమానత్వం, సామాజిక న్యాయం కోసం ఆయన చేసిన కృషిని కొనియాడారు.

అనంతరం ప్రజల్లో రహదారి భద్రతపై అవగాహన కల్పించేందుకు రోడ్ సేఫ్టీ ప్రతిజ్ఞ చేయించారు. ప్రతి వాహనదారుడు ట్రాఫిక్ నిబంధనలు కచ్చితంగా పాటించాలని, వేగ పరిమితులను గౌరవించాలని, హెల్మెట్, సీట్ బెల్ట్ వినియోగాన్ని అలవాటు చేసుకోవాలని సూచించారు. యువత నిర్లక్ష్యంగా వాహనాలు నడపకూడదని, మద్యం సేవించి డ్రైవింగ్ చేయడం ప్రమాదకరమని హెచ్చరించారు.

ఈ కార్యక్రమంలో అధికారులు, ప్రజలు పాల్గొని అంబేద్కర్ ఆశయాలను స్మరించడంతో పాటు రహదారి భద్రతకు కట్టుబడి ఉంటామని ప్రతిజ్ఞ చేశారు.

BBMA POLICE E:NEWS// బాధ్యతాయుతంగా ట్రాఫిక్ నిబంధనలు పాటిద్దాం – వరంగల్ సీపీ సన్ ప్రీత్ సింగ్

BBMA POLICE E:NEWS// వరంగల్ పోలీస్ కమిషనర్ సన్ ప్రీత్ సింగ్, IPS ప్రతి వాహనదారుడు ట్రాఫిక్ నిబంధనలు తన బాధ్యతగా భావించి పాటించాలని సూచించారు. రాష్ట్ర ప్రభుత్వ ‘ప్రజాపాలన–ప్రగతి ప్రణాళిక’ 99 రోజుల కార్యక్రమంలో భాగంగా “అరైవ్ అలైవ్” రోడ్డు భద్రత అవగాహన కార్యక్రమాలు నిర్వహించారు. డా. బి.ఆర్. అంబేద్కర్ జయంతిని పురస్కరించుకుని హన్మకొండలో అంబేద్కర్ విగ్రహం వద్ద యువతతో ట్రాఫిక్ నియమాలు పాటిస్తామని ప్రమాణం చేయించారు.

సీపీ మాట్లాడుతూ దేశంలో రోడ్డు ప్రమాదాలు తీవ్రంగా పెరిగి, హత్యల కంటే తొమ్మిది రెట్లు అధిక మరణాలు సంభవిస్తున్నాయని తెలిపారు. ముఖ్యంగా యువత వేగం, నిర్లక్ష్యం ప్రమాదాలకు కారణమని హెచ్చరించారు. “నో హెల్మెట్ – నో ఎంట్రీ” నినాదంతో గ్రామాల్లో అవగాహన కల్పిస్తూ 451 గ్రామాల్లో రోడ్డు భద్రత కమిటీలు ఏర్పాటు చేసినట్లు తెలిపారు.

ఈ కార్యక్రమంలో ప్రజాప్రతినిధులు, పోలీస్ అధికారులు, సిబ్బంది పాల్గొన్నారు.