crime
ప్రేమ వివాదం ముదిరి హత్య ముగ్గురు అరెస్ట్
బిబిఎంఏ న్యూస్/ 8 ఇంక్లైన్ కాలనీ
పెద్దపల్లి జిల్లా గోదావరిఖని-II టౌన్ పోలీసులు దళిత యువకుడు జూల వంశీ హత్య కేసును వేగంగా ఛేదించి ముగ్గురు నిందితులను అరెస్ట్ చేశారు. నిందితుల నుంచి టాటా జెస్ట్ కారు, ఐదు మొబైల్ ఫోన్లను స్వాధీనం చేసుకున్నట్లు గోదావరిఖని ఏసీపీ ఎం. రమేష్ తెలిపారు. సోమవారం గోదావరిఖని-II టౌన్ ఇన్స్పెక్టర్ ప్రసాద్రావుతో కలిసి ఆయన కేసు వివరాలను వెల్లడించారు.
సింగిరెడ్డిపల్లి గ్రామానికి చెందిన జూల వంశీ ఈ నెల 29న ఇంటి నుంచి వెళ్లి కనిపించకుండా పోవడంతో, అతని తల్లి జూల శంకరమ్మ మే 1న పోలీసులకు ఫిర్యాదు చేశారు. దీంతో పోలీసులు మిస్సింగ్ కేసు నమోదు చేసి దర్యాప్తు చేపట్టారు. సీడీఆర్, మొబైల్ కాల్ వివరాలను పరిశీలించగా అలేఖ్య, నీలం నవీన్, బుర్ర భాస్కర్లపై అనుమానం వ్యక్తమైంది. వారిని అదుపులోకి తీసుకుని విచారించగా హత్య చేసినట్లు ఒప్పుకున్నారని ఏసీపీ తెలిపారు.
పోలీసుల కథనం ప్రకారం.. వంశీ, అలేఖ్య పదో తరగతి సమయంలో ప్రేమించుకున్నారు. అనంతరం అలేఖ్య నీలం నవీన్ను ప్రేమ వివాహం చేసుకుంది. ఇటీవల వంశీ అలేఖ్యను తరచూ ఫోన్ కాల్స్, మెసేజ్లతో వేధించడంతో పాటు ఆమె ఫ్లాట్కు వెళ్లి గొడవలకు దిగినట్లు తెలిసింది. దీంతో ముగ్గురు కలిసి వంశీని హత్య చేయాలని పథకం రచించారు.
పథకం ప్రకారం అలేఖ్య, భాస్కర్ ఫోన్ చేసి వంశీని హైదరాబాద్కు రప్పించారు. భాస్కర్ ఫ్లాట్లో మద్యం తాగించిన అనంతరం ముందుగా సిద్ధం చేసుకున్న కత్తితో ఛాతి, మెడ భాగాల్లో దాడి చేసి హత్య చేసినట్లు పోలీసులు వెల్లడించారు. అనంతరం రక్తపు ఆనవాళ్లను శుభ్రం చేసి మృతదేహాన్ని కారులో తీసుకెళ్లి మంథని మండలం గాడుదులగండి ప్రాంతంలోని లోయలో పడవేసినట్లు నిందితులు ఒప్పుకున్నారని తెలిపారు.
యువకుల బైక్ రేసింగ్ సరదా.. ఐదుగురి ప్రాణాలు బలి
మహబూబ్నగర్లో ఘోర రోడ్డు ప్రమాదం చోటుచేసుకుంది. బైపాస్ రోడ్డుపై స్పోర్ట్స్ బైక్, కారు ఢీకొన్న ఘటనలో ఐదుగురు మృతి చెందారు. అతివేగం, బైక్ రేసింగ్లే ప్రమాదానికి కారణమని స్థానికులు ఆరోపిస్తున్నారు.
స్థానికుల వివరాల ప్రకారం.. స్పోర్ట్స్ బైక్ సుమారు 140 కిలోమీటర్ల వేగంతో దూసుకెళ్లి కారును ఢీకొట్టింది. ఢీకొన్న ప్రభావంతో కారు, బైక్ పూర్తిగా ధ్వంసమయ్యాయి. ఈ ప్రమాదంలో కారులో ప్రయాణిస్తున్న ఒకే కుటుంబానికి చెందిన అర్షియ బేగం(30), ఉజేప(7), అమర్(2) అక్కడికక్కడే మృతి చెందారు. అలాగే బైక్పై ఉన్న హైదరాబాద్కు చెందిన యాకుబ్ అఫ్జల్(25)తో పాటు మరో వ్యక్తి ప్రాణాలు కోల్పోయారు.
ప్రమాద సమాచారం అందుకున్న పోలీసులు ఘటనాస్థలికి చేరుకుని సహాయక చర్యలు చేపట్టారు. మృతదేహాలను పోస్టుమార్టం నిమిత్తం ఆస్పత్రికి తరలించారు. ఘటనపై కేసు నమోదు చేసి దర్యాప్తు చేస్తున్నారు.
ఇక బైపాస్ రోడ్డు బైక్ రేసింగ్లకు అడ్డాగా మారిందని స్థానికులు ఆందోళన వ్యక్తం చేస్తున్నారు. పలుమార్లు ఫిర్యాదులు చేసినా పోలీసులు పట్టించుకోవడం లేదని ఆరోపించారు. ఈ ఘటనతో ప్రాంతంలో విషాద ఛాయలు అలుముకున్నాయి.
BBMA POLICE E:NEWS// అనంతపురం హత్య కేసులో ట్విస్ట్ – నిందితుడిపై పోలీసుల కాల్పులు
అనంతపురం జిల్లా కోనుప్పలపాడులో బాలుడి హత్య కేసు దర్యాప్తులో సంచలన మలుపు చోటుచేసుకుంది. సీన్ రీకన్స్ట్రక్షన్ నిర్వహిస్తున్న సమయంలో నిందితుడు సర్వేష్ అకస్మాత్తుగా పోలీసులపై తిరగబడ్డాడు. అక్కడే పడివున్న బీర్ బాటిల్తో దాడి చేయడంతో పరిస్థితి ఉద్రిక్తంగా మారింది.
పోలీసులు పలుమార్లు హెచ్చరించినప్పటికీ దాడి ఆపకపోవడంతో, ఆత్మరక్షణలో భాగంగా నిందితుడిపై కాల్పులు జరిపినట్లు సమాచారం. ఈ ఘటనలో సర్వేష్కు రెండు కాళ్లలో బుల్లెట్ గాయాలు కావడంతో కుప్పకూలిపోయాడు. వెంటనే అతన్ని చికిత్స కోసం ఆసుపత్రికి తరలించారు.
ఈ దాడిలో సీఐ బోయ రామసుబ్బయ్యతో పాటు మరో కానిస్టేబుల్ కూడా గాయపడ్డారు. ఘటనపై కేసు నమోదు చేసి, పూర్తి వివరాలు సేకరిస్తున్నారు. ఈ పరిణామం జిల్లాలో తీవ్ర చర్చనీయాంశంగా మారింది.
#Anantapur #Konuppalapadu #PoliceFiring #CrimeNewsAP
BBMA POLICE E:NEWS// ఆకివీడులో రామాలయం వద్ద ఘర్షణ – రఘురామ ఆరోపణలు
పశ్చిమ గోదావరి జిల్లా ఆకివీడులోని పెదపేట రామాలయం వద్ద జరిగిన ఘర్షణ రాజకీయంగా, సామాజికంగా చర్చనీయాంశమైంది. డిప్యూటీ స్పీకర్ Raghu Rama Krishna Raju ఈ ఘటనపై తీవ్ర ఆరోపణలు చేశారు. రామనవమి వేడుకల సందర్భంగా రామ భక్తులపై కొందరు వ్యక్తులు మేకులు, చాకులతో దాడి చేసినట్లు ఆయన పేర్కొన్నారు.
ఈ దాడిలో పరిస్థితి ఉద్రిక్తంగా మారగా, తాను తృటిలో ప్రాణాపాయం నుంచి బయటపడ్డానని తెలిపారు. భక్తులపై జరిగిన ఈ దాడి పట్ల ఆయన ఆందోళన వ్యక్తం చేస్తూ, బాధ్యులపై కఠిన చర్యలు తీసుకోవాలని డిమాండ్ చేశారు.
ఈ ఘటన స్థానికంగా ఉద్రిక్తతకు దారి తీస్తుండగా, పోలీసులు పరిస్థితిని అదుపులోకి తీసుకురావడానికి చర్యలు చేపట్టినట్లు సమాచారం. పూర్తి వివరాలు వెలుగులోకి రావాల్సి ఉంది.
#RaghuRamaKrishnaRaju #Akividu #WestGodavari #SriRamaNavami
నేరప్రవర్తన మానకుంటే జైలు జీవితం తప్పదు : ఏసీపీ మడతరమేష్
ఆన్లైన్ మోసాలపై అప్రమత్తంగా ఉండాలి : ఎస్ఐ లావణ్య
ప్రేమ వివాదం ముదిరి హత్య ముగ్గురు అరెస్ట్
-
News2 weeks agoకవిత కొత్త పార్టీ తెలంగాణ రాష్ట్ర సేన” టిఆర్ఎస్
-
News3 weeks agoనేటి నుండి ఆర్ టి సి సమ్మె
-
News3 weeks agoస్కూటీపై వెళ్తున్న టీచర్ను ఢీకొన్న వ్యాన్… అక్కడికక్కడే మృతి
-
Entertainment1 day agoనేడు విజయ్ తళపతి సిఎం ప్రమాణస్వీకారం
-
News5 days agoకొత్తూరులో రైతుల రాస్తారోకో… వరి తూకంలో మోసాలపై ఆగ్రహం
-
Entertainment1 day agoతమిళనాడులో కొత్త శకం.. సీఎం విజయ్ ఘనంగా ప్రమాణ స్వీకారం
-
News5 days agoరోడ్లపై చెట్లు… పరిస్థితులను సమీక్షించిన సీపీ
-
india2 weeks agoనేడే కల్వకుంట్ల కవిత కొత్త పార్టీ,