Visakhapatnam City Police – రోడ్డు ప్రమాద బాధితులకు ఆర్థిక సహాయం

BBMA POLICE E:NEWS – విశాఖపట్నం సిటీ పోలీస్ కమిషనర్ కార్యాలయంలో ఏర్పాటు చేసిన రోడ్డు ప్రమాద బాధితుల సహాయక కేంద్రం ద్వారా హిట్ & రన్ ఘటనల్లో తీవ్రంగా గాయపడిన ముగ్గురు వ్యక్తులకు ఆర్థిక సహాయం అందజేయబడింది. ప్రతి ఒక్కరికి రూ.50,000 చొప్పున మొత్తం రూ.1,50,000 వారి బ్యాంకు ఖాతాల్లో జమ చేయబడింది.

ఈ సహాయక కేంద్రం రోడ్డు ప్రమాద బాధితులకు తక్షణ ఆర్థిక ఉపశమనం కల్పించేందుకు ప్రత్యేకంగా పనిచేస్తోంది. ఇప్పటివరకు 132 మంది బాధితులకు మొత్తం రూ.1,06,50,000 పరిహారం అందించబడింది.

రోడ్డు భద్రతపై అవగాహన పెంపు, బాధితులకు త్వరితగతిన సహాయం అందించడం పోలీస్ శాఖ ముఖ్య లక్ష్యమని అధికారులు తెలిపారు.

#AndhraPradeshPolice #RoadSafety #VictimSupport

BBMA POLICE E:NEWS – బాపట్ల జిల్లాలో ప్రత్యేక వాహనాల తనిఖీలు

BBMA POLICE E:NEWS – జిల్లా ఎస్పీ గారి పర్యవేక్షణలో బాపట్ల జిల్లాలో రోడ్డు ప్రమాదాల నివారణ, అక్రమ రవాణా అరికట్టడం మరియు అవాంఛనీయ ఘటనలు నివారించేందుకు ప్రత్యేక చర్యలు చేపట్టారు. జిల్లా పోలీసు అధికారులు విస్తృతంగా వాహనాల తనిఖీలు నిర్వహించి నిబంధనలు ఉల్లంఘించిన వారిపై చట్టపరమైన చర్యలు తీసుకున్నారు.

అదే విధంగా విజిబుల్ పోలీసింగ్ ద్వారా ప్రజల్లో భద్రతాభావం కల్పిస్తూ, హెల్మెట్ ధరించడం, ట్రాఫిక్ నియమాలు పాటించడం వంటి అంశాలపై అవగాహ

జిల్లా పోలీసు కార్యాలయం,

సంగారెడ్డి జిల్లా.

పత్రిక ప్రకటన తేది: 02.03.2026,

• హోలీ పండుగను సంప్రదాయ పద్ధతుల్లో సహజ సిద్ధమైన రంగులతో జరుపుకోవాలి..

• మద్యం సేవించి వాహనాలు నడపరాదు, బైకులపై పెద్ద శబ్దాలు చేస్తూ గుంపులుగా తిరిగి శాంతిభద్రతలకు విఘాతం కలిగిస్తే కఠిన చర్యలు..

• లోతట్టు ప్రదేశాల్లో, చెరువుల్లో ప్రాజెక్టులలో స్నానాలు చేయునప్పుడు జాగ్రత్తలు పాటించాలి.

• రంగుల హోలీ మీ జీవితాలలో వెలుగులు నింపాలని కోరుకుంటూ.., జిల్లా ప్రజలకు హోలీ పండగ శుభాకాంక్షలు తెలియజేసిన: జిల్లా ఎస్పీ పరితోష్ పంకజ్ ఐపియస్.

సంగారెడ్డి జిల్లా సురక్ష ప్రతినిధి: హోలీ పండుగను సంప్రదాయ పద్ధతుల్లో, సహజ సిద్ధమైన రంగులను ఉపయోగిస్తూ ప్రశాంత వాతావరణంలో ఆనందోత్సాహాల నడుమ జరుపుకోవాలని జిల్లా ఎస్పీ పరితోష్ పంకజ్ సూచించారు. పండుగ సందర్భంగా ఎవరూ మద్యం సేవించి వాహనాలు నడపరాదని హెచ్చరించారు. వాహనాలపై, ఇష్టం లేని వ్యక్తులపై బలవంతంగా రంగులు లేదా రంగు నీళ్లు చల్లడం వంటి చర్యలకు పాల్పడకూడదన్నారు. బైకులపై, కార్లలో గుంపులుగా తిరుగుతూ శాంతిభద్రతలకు విఘాతం కలిగిస్తే అట్టి వ్యక్తులపై చట్టపరమైన చర్యలు తప్పవని స్పష్టం చేశారు.

యువత వాహనాలు నడిపేటప్పుడు అతివేగం, ర్యాష్ డ్రైవింగ్, ట్రిపుల్ రైడింగ్ చేయకూడదని సూచించారు. పండుగ సందర్భంగా ఎలాంటి శాంతిభద్రతా సమస్యలు తలెత్తకుండా సున్నిత ప్రదేశాలలో ప్రత్యేక బందోబస్తు ఏర్పాట్లు చేసినట్లు తెలిపారు. ఏదైనా అత్యవసర పరిస్థితుల్లో డయల్-100, పోలీస్ కంట్రోల్ రూమ్ నెంబర్ 8712656739 నంబర్‌కు సమాచారం ఇవ్వాలని సూచించారు. హోలీ అనంతరం చెరువులు, లోతట్టు ప్రాంతాలలో స్నానాలు చేసే సమయంలో జాగ్రత్తలు పాటించాలని సూచించారు. తల్లిదండ్రులు తమ పిల్లల కార్యకలాపాలను తరచూ గమనిస్తూ, సరైన మార్గనిర్దేశం చేయాలని, ఎలాంటి ప్రమాదాలు చోటుచేసుకోకుండా అప్రమత్తంగా ఉండాలని కోరారు.

ఈ రంగుల హోలీ ప్రతి ఒక్కరి జీవితాల్లో ఆనందం, ఐశ్వర్యం, ఆరోగ్యం నింపాలని ఆకాంక్షిస్తూ సంగారెడ్డి జిల్లా ప్రజలకు, పోలీసు సిబ్బందికి జిల్లా పోలీసు శాఖ తరఫున హోలీ పండుగ శుభాకాంక్షలు తెలియజేశారు.