గౌరవ ముఖ్యమంత్రి శ్రీ నారా చంద్రబాబు నాయుడు గారి పర్యటన నేపథ్యంలో పటిష్ట బందోబస్తు ఏర్పాట్లు – జిల్లా ఎస్పీ  తుహిన్ సిన్హా, ఐపీఎస్.,

అనకాపల్లి, డిసెంబర్ 19: ఈనెల 20వ తేదీన గౌరవ ఆంధ్రప్రదేశ్ ముఖ్యమంత్రి శ్రీ నారా చంద్రబాబు నాయుడు  అనకాపల్లి జిల్లా, కసింకోట మండలం, తాళ్లపాలెం గ్రామ పర్యటన నిమిత్తం విచ్చేస్తున్న సంగతి తెలిసిందే. ఈ నేపథ్యంలో జిల్లా ఎస్పీ  తుహిన్ సిన్హా, ఐపీఎస్  పర్యటన ప్రాంతాలను వ్యక్తిగతంగా పరిశీలించి, భద్రతా ఏర్పాట్లపై అధికారులకు దిశానిర్దేశం చేశారు.

ముఖ్యమంత్రి పర్యటన ప్రశాంతంగా, విజయవంతంగా ముగిసేలా సుమారు మొత్తం 1500 మంది పోలీస్ సిబ్బందితో భారీ బందోబస్తు ఏర్పాటు చేసినట్లు ఎస్పీ గారు తెలిపారు. ఇందులో:

అదనపు ఎస్పీలు: 03

డీఎస్పీలు: 10

సీఐలు: 39 | ఎస్ఐలు: 90

ఏఎస్ఐ & హెడ్ కానిస్టేబుల్స్: 283

కానిస్టేబుల్స్: 257 | మహిళా కానిస్టేబుల్స్: 116

హోమ్ గార్డ్స్: 184

ప్రత్యేక బృందాలు: బాంబ్ డిస్పోజల్ టీమ్స్, డాగ్ స్క్వాడ్ మరియు స్పెషల్ పార్టీలు.

ముఖ్యమంత్రి గారు ఉగ్గినపాలెంగ్రామం, సాన్స్ ఇపోరియా లేఔట్ హెలిపాడ్ నుండి మొదలుకొని, ఏపీ సోషల్ వెల్ఫేర్ రెసిడెన్షియల్ పాఠశాల విద్యార్థులతో ముఖాముఖి, SWPC సాలిడ్ వెల్త్ ప్రాసెసింగ్ సెంటర్ సందర్శన, ప్రజా వేదిక సమావేశం, పార్టీ కార్యకర్తలతో సమావేశం మరియు అనకాపల్లి పట్టణం, జలగలమధుం వద్ద శ్రీ అటల్ బిహారీ వాజ్పేయి గారి కాంస్య విగ్రహావిష్కరణ వరకు వివిధ కార్యక్రమాలలో పాల్గొంటారు.

విధి నిర్వహణలో ఎలాంటి అలసత్వం వహించకుండా, క్షేత్రస్థాయి అధికారులందరూ సమన్వయంతో పనిచేయాలి.

హెలిపాడ్, సభా ప్రాంగణాలు మరియు రోడ్డు మార్గాల్లో నిరంతరం తనిఖీలు నిర్వహించాలని, బాంబ్ స్క్వాడ్ మరియు డాగ్ స్క్వాడ్ బృందాలు అప్రమత్తంగా ఉండాలని ఆదేశించారు.

ఇతర ప్రభుత్వ శాఖలతో కలిసి ప్రణాళికాబద్ధంగా పనిచేసి పర్యటనను విజయవంతం చేయాలని కోరారు.

ఈ కార్యక్రమంలో అదనపు ఎస్పీలు శ్రీ ఎం.దేవ ప్రసాద్, శ్రీ ఎల్.మోహనరావు, డీఎస్పీలు శ్రీమతి ఎం.శ్రావణి, శ్రీ పి.శ్రీనివాసరావు, శ్రీ బి.మోహన రావు, శ్రీ ఇ.శ్రీనివాసులు, ఇన్స్పెక్టర్లు లక్ష్మణమూర్తి, బాల సూర్యారావు, స్వామి నాయుడు, వెంకటనారాయణ, ప్రేమ్ కుమార్, అశోక్ కుమార్ మరియు ఇతర పోలీస్ అధికారులు పాల్గొన్నారు.

“ముఖ్యమంత్రి గారి పర్యటన ముగిసే వరకు ప్రతి నిమిషం నిఘా పకడ్బందీగా ఉంటుంది. చిన్న పొరపాట్లకు కూడా తావు లేకుండా ప్రత్యేక కార్యాచరణతో బందోబస్తు నిర్వహిస్తున్నాం.” > — జిల్లా ఎస్పీ శ్రీ తుహిన్ సిన్హా, ఐపీఎస్.,

@APPOLICE100