*శ్రీకాకుళం జిల్లా పోలీస్. పత్రిక ప్రకటన. శ్రీకాకుళం, డిసెంబరు 16:*

🛑 *“అభ్యుదయం సైకిల్ యాత్ర – Pedal for a Drug-Free Future”*

🛑 “అభ్యుదయం సైకిల్ యాత్ర” ద్వారా పాయకరావుపేట నుండి ఇచ్చాపురం వరకు – మాదకద్రవ్యాల నిర్మూలన కొరకు విస్తృతంగా అవగాహన కార్యక్రమాలు నిర్వహిస్తున్న పోలీసులు.

🛑 గంజాయి, మత్తు పదార్థాలు లేని సమాజ నిర్మాణమే లక్ష్యంగా కొనసాగుతున్న

🛑 “ *మాదకద్రవ్యాలు వద్దు (“SAY NO TO DRUGS”) – గంజాయి అక్రమ రవాణాను నిరోధిద్దాం*

గంజాయి మరియు మాదకద్రవ్యాల నిర్మూలన లక్ష్యంగా విశాఖపట్నం రేంజ్ పరిధిలో ప్రారంభించిన “అభ్యుదయం సైకిల్ యాత్ర” (పాయకరావుపేట నుండి ఇచ్చాపురం వరకు) విశాఖపట్నం రేంజ్ డీఐజీ శ్రీ గోపీనాథ్ జట్టి, ఐపీఎస్ గారు మాదకద్రవ్యాల నిర్మూలన, వాటి వినియోగం వల్ల కలిగే దుష్ప్రభావాలపై ప్రజల్లో చైతన్యం, అవగాహన కల్పించేందుకు విశాఖపట్నం రేంజ్ పరిధిలోని అనకాపల్లి జిల్లా పాయకరావుపేటలో ప్రారంభమైన “అభ్యుదయం సైకిల్ ర్యాలీ” విజయనగరం, పార్వతీపురం మన్యం జిల్లాల మీదుగా విజయవంతంగా సాగి నేడు శ్రీకాకుళం జిల్లా శ్రీకాకుళం పట్టణంలోకి చేరుకొనగా స్థానిక రామలక్ష్మణ జంక్షన్ వద్ద ముఖ్య అతిథిగా హాజరైన విశాఖపట్నం రేంజ్ డీఐజి శ్రీ గోపి నాథ్ జట్టి గారు, ప్రభుత్వ అధికారులు, ప్రత్యేక అహ్వనితులు అయిన ప్రజా ప్రతినిధులు అభ్యుదయ సైకిల్ యాత్ర బృందం సభ్యులను సాదరంగా ఆహ్వానించి, హృదయపూర్వక స్వాగతం పలికి సైకిల్ యాత్ర ను లాంఛనగా ప్రారంభించారు. ఈ యాత్ర రామలక్ష్మణ జంక్షన్ వద్ద ప్రారంభమై సూర్యామహల్, జీ టి రోడ్డు, సెవెన్ రోడ్డు జంక్షన్ మీదుగా ఎన్టీఆర్ మున్సిపల్ మైదానంలోకి ప్రవేశించిన అనంతరం ఎన్టీఆర్ మున్సిపల్ మైదానంలో ఏర్పాటు చేసిన బహిరంగ సభ వద్ద కు చేరుకుంది. సభ వద్ద ఏర్పాటుచేసిన వివిధ శాఖల ఫోటో ఎగ్జిబిషన్ స్టాల్ ను ముఖ్య అతిథిలు ప్రారంభించి తిలకించారు. విద్యార్థుల ఫ్లాష్‌మాబ్ , జానపద నృత్య కళా తప్పిటిగుళ్ళు, విద్యార్థులు చేసిన స్క్రిప్ట్ లు ఆకర్షణగా నిలిచాయి. స్థానిక ప్రజలు, విద్యార్థులు , ప్రవేట్, ప్రభుత్వ ఉద్యోగులు, మహిళలు, కార్మికులు , ప్రజా ప్రతినిధులు అడుగడుగునా ర్యాలీకి హర్షధ్వానాలు చేశారు. విద్యార్థులతో కలిసి మాదకద్రవ్యాల నిర్మూలన ప్రతిజ్ఞ చేయించి, “మాదకద్రవ్యాలు వద్దు – జీవితమే ముద్దు” అంటూ ఆకట్టుకున్నారు

ఈ సందర్భంగా రేంజ్ డీఐజీ శ్రీ గోపీనాథ్ జట్టి గారు మాట్లాడుతూ,

మంచి సమాజ నిర్మాణం మంచి వ్యక్తుల వల్లనే సాధ్యమవుతుందని అన్నారు. మత్తు పదార్థాల నియంత్రణకు పూర్తిస్థాయిలో చర్యలు చేపడుతున్నామని తెలిపారు.

ఈ క్రమంలో గత ఏడాది కాలంలో రేంజ్ పరిధిలో సంకల్పం మిషన్, కమ్యూనిటీ ఔట్రీచ్ కార్యక్రమం లో భాగంగా ఇప్పటివరకు నిర్వహించిన అవగాహన కార్యక్రమాలు గురించి వివరించారు. గంజాయి నిర్మూలనకు కొత్త కోణంలో చేపట్టిన “అభ్యుదయం సైకిల్ యాత్ర” ను గత నెల నవంబర్ 12వ తేదీన పాయకరావుపేటలో రాష్ట్ర హోం మంత్రి శ్రీమతి వంగలపూడి అనిత గారు ప్రారంభించారని, నేటికి 35 రోజులుగా విజయవంతంగా కొనసాగుతోందని తెలిపారు. ఈ యాత్ర విజయానికి పోలీసు అధికారులు, సిబ్బంది, ఇతర శాఖల సమన్వయం కీలక పాత్ర పోషించిందన్నారు. సుమారు 1000 కిలోమీటర్ల దూరం ప్రయాణిస్తూ ముఖ్య పట్టణాలు, గ్రామాల్లో ప్రజల్లో చైతన్యం కల్పిస్తున్నామని పేర్కొన్నారు. డ్రగ్స్ రహిత సమాజ నిర్మాణంలో ప్రతి ఒక్కరూ భాగస్వాములవ్వాలని, ముఖ్యంగా యువత డ్రగ్స్ వాడకం వలన కలిగే నష్టాలను తెలుసుకోవాలని కోరారు.

జిల్లా కలెక్టర్ గారు మాట్లాడుతూ, ప్రతి కళాశాలలో సైకాలజిస్టుల ద్వారా కౌన్సిలింగ్ అందిస్తున్నామని తెలిపారు. ఈ అభ్యుదయం సైకిల్ యాత్ర ముగింపు కార్యక్రమం ఈ నెల 29వ తేదీన ఇచ్చాపురంలో భారీ అవగాహన కార్యక్రమంగా నిర్వహించనున్నట్లు వెల్లడించారు.

జిల్లా ఎస్పీ శ్రీ కెవి మహేశ్వర రెడ్డి గారు మాట్లాడుతూ, విశాఖపట్నం రేంజ్ పరిధిలో పాయకరావుపేటలో రాష్ట్ర హోం మంత్రి శ్రీమతి వంగలపూడి అనిత గారు, రేంజ్ డీఐజీ గారు ప్రారంభించిన ఈ సైకిల్ యాత్ర నెలరోజుల పాటు కొనసాగి జిల్లాకు చేరుకున్నదని తెలిపారు. ఈ కార్యక్రమం ప్రధాన లక్ష్యం గంజాయి నిర్మూలనతో పాటు మాదక ద్రవ్యాల వినియోగం వల్ల కలిగే దుష్ప్రభావాలపై ప్రజల్లో అవగాహన కల్పించడమని పేర్కొన్నారు. ముఖ్యంగా యువతలో డ్రగ్స్‌పై సరైన అవగాహన కలగాలని అన్నారు. డ్రగ్స్‌కు సంబంధించిన సమాచారాన్ని 1972, 112 నంబర్లకు లేదా స్థానిక పోలీసులకు అందించాలని కోరారు.

కార్యక్రమంలో పాల్గొనిన ప్రజాప్రతినిధులు మాట్లాడుతూ ఆంధ్రప్రదేశ్ రాష్ట్రంలో గంజాయి వంటి మత్తు పదార్థాలు నియంత్రణకు రాష్ట్ర ప్రభుత్వం ఈగల్ అనే ప్రత్యేక టాస్క్ ఫోర్స్ ఏర్పాటు చేసి గంజాయి నిర్మూలనకు పటిష్ట చర్యలు చేపడుతుందని అన్నారు.

ఈ కార్యక్రమంలో ప్రభుత్వ అధికారులు, ప్రజా ప్రతినిధులు అయిన కూన రవికుమార్, గుండు శంకర్, బొగ్గు రమణమూర్తి గారు, విద్యార్థులు మరియు ప్రజలు పాల్గొన్నారు.

@APPOLICE100