జిల్లా పోలీస్ కార్యాలయం,

సంగారెడ్డి జిల్లా.

పత్రిక ప్రకటన, తేది:15.12.2025,

• డిసెంబర్ -17 న జరుగనున్న మూడవ విడత స్థానిక ఎన్నికలకు సర్వం సిద్దం..

• ఫ్రీ అండ్ ఫేర్ ఎన్నికల నిర్వహణకు కట్టుదిట్టంగా చెక్ పోస్ట్ ల నిర్వహణ..

• రూ: 11.68 లక్షల విలువగల 17.04 లీటర్ల అక్రమ మద్యం సీజ్, 148 కేసులు నమోదు..

• 1160 – మంది పోలీసు అధికారులు, సిబ్బందితో మూడు అంచెల భద్రతా వ్యవస్థ ఏర్పాటు..

• ఎన్నికల విధులకు హాజరవుతున్న సిబ్బందికి బ్రీఫింగ్ ఇచ్చిన జిల్లా అదనపు ఎస్పీ రఘునందన్ రావ్..

సంగారెడ్డి జిల్లా సురక్ష ప్రతినిధి, డిసెంబర్ 15: మూడవ విడత స్థానిక ఎన్నికలలో భాగంగా ఎన్నికల విధులకు హాజరువుతున్న సిబ్బందికి బ్రీఫింగ్ ఇచ్చిన జిల్లా అదనపు ఎస్పీ రఘునందన్ రావ్ గారు. ఈ సందర్భంగా ఆయాన మాట్లాడుతూ.. జిల్లాలో నారాయణఖేడ్, కంగ్టీ, కల్హేర్, మనూర్, సిర్గాపూర్, నాగల్ గిద్ద, నిజాంపేట్, న్యాల్కల్ మొత్తం 8-మండలాలలో 234 గ్రామ పంచాయితీలకు గాను 27 -ఏకగ్రీవం కాగా, 207 స్థానాలకు ఎన్నికలు జరగనున్నాయని, ఎన్నికలను ప్రశాంత వాతారణంలో నిర్వహించేదుకు అన్నిరకాల భద్రత ఏర్పాట్లను చేసినట్లు అదనపు ఎస్పీ గారు వివరించారు.

మూడవ విడత ఎన్నికలు జరగనున్న మండలాలలో గల సమస్యాత్మక, సెన్సిటివ్, హైపర్ సెన్సిటివ్ పోలింగ్ కేంద్రాలను గుర్తించి, నిఘా కట్టుదిట్టం చేయడం జరిగిందన్నారు. జిల్లా వ్యాప్తంగా గత ఎన్నికలలో అల్లర్లు సృష్టించిన, హిస్టరీ షీట్ గల 1583 – మందిని సత్ప్రవర్తన కోరుతూ.. ముందస్తుగా బౌండ్ ఓవర్ చేయడం జరిగిందని, జిల్లా ప్రజలు ఎలాంటి అభద్రతా భావానికి లోను కాకుండా మీ ఓటు హక్కును వినియోగించకోవాలని జిల్లా ప్రజలకు సూచించారు.

ఎన్నికలు జరగనున్న మండలాలలో పోలింగ్‌ ముగియడానికి 44 గంటల ముందు నుండి అనగా 15-12-2025 సాయంత్రం 5 గంటల నుండి పోలింగ్ పూర్తయ్యేవరకు ‘సైలెంట్ పీరియడ్’ ప్రారంభం అవుతుందని, సభలు, సమావేశాలు, ఇంటింటి ప్రచారం పూర్తిగా నిషేదం అన్నారు. ఓటర్లను ప్రలోభాలకు గురిచేసి, మద్యం, డబ్బు పంపిణీ చేసినా, సోషల్ మీడియాలో, ఇతర ప్రసార మాద్యమాలలో వ్యక్తులను గాని, రాజకీయ పార్టీలను గాని కించపరిచేలా తప్పుడు ప్రచారాలు చేసి, ఎన్నికల ప్రశాంతతకు భంగం కలిగిస్తే ఎన్నికల ప్రవర్తన నియమావళి ప్రకారం కఠిన చర్యలు తీసుకోవడం జరుగుతుందని హెచ్చరించారు.

అనంతరం సిబ్బందిని ఉద్దేశించి మాట్లాడుతూ.. ఎన్నికల విధులలో సిబ్బంది చేయవలసినా, చేయకూడని విధుల గురించి ముఖ్యమైన అంశాలను ప్రస్తావిస్తూ.. ప్రతి పోలీస్ అధికారి, సిబ్బంది ఎన్నికల ప్రవర్తన నియమావలిని ఖచ్చితంగా పాటిస్తూ, పూర్తి నిబద్ధతతో ఎన్నికల ప్రక్రియ పూర్తి అయ్యేవరకు అప్రమత్తంగా ఉండాలని ఆదేశించారు. విధి నిర్వహణలో ఏవైనా సమస్య తలెత్తినట్లైతే వెంటనే సీనియర్ అధికారులకు సమాచారం అందించాలని, వ్యక్తిగతంగా ఎలాంటి నిర్ణయాలు తీసుకోవద్దని ఎస్పీ గారు స్పష్టం చేశారు. ఎన్నికలు ప్రశాంతంగా, పారదర్శకంగా జరిగేందుకు అన్ని శాఖలతో సమన్వయంతో పని చేయాలని అన్నారు. ఎన్నికల విధులు నిర్వహించే సిబ్బంది పూర్తి పారదర్శకంగా విధులు నిర్వహించాలని, ఏ వ్యక్తికి గాని, పార్టీకి గాని మద్దతు ఇచ్చినట్లు దృష్టికి వస్తే శాఖాపరమైన చర్యలుంటాయని హెచ్చరించారు.

ఈ కార్యక్రమంలో ఇన్స్పెక్టర్స్ రమేష్, ప్రవీణ్ రెడ్డి, సదా నాగరాజు, ఆర్ఐ రామారావ్, ఎన్నికల విధులకు వెళుతున్న అధికారులు, సివిల్, ఆర్మూడ్ సిబ్బంది తదితరులు ఉన్నారు.