విశాఖ జిల్లా మదురవాడ ఐటీ సీజ్‌లో మదురవాడ ఫ్రెండ్స్ క్లబ్ ఆధ్వర్యంలో తెలుగు జర్నలిస్ట్స్ ఫోరం రాష్ట్ర అధ్యక్షుడు, BRK NEWS ఆంధ్రప్రదేశ్ బ్యూరో చీఫ్ ఈశ్వర్ చౌదరికి స్మారక అవార్డు ప్రదాన కార్యక్రమాన్ని ఘనంగా నిర్వహించారు. ఈ కార్యక్రమంలో ఆయనకు గౌరవ సత్కారం చేసి, జర్నలిజం రంగంలో ఆయన చేసిన నిజాయితీ, సమర్పణకు అభినందనలు తెలుపారు.

అలాగే, అక్రీడేషన్ కమిటీ సభ్యులను కూడా విశేషంగా గౌరవిస్తూ వారి సేవలను గుర్తించి సన్మానించారు. జర్నలిజం రంగంలో నిష్పక్షపాతంగా, కష్టపడి పనిచేస్తున్న పాత్రికేయులకే ఈ అవార్డులు అందజేయడం ద్వారా సమాజంలో నిజాయితీ విలువలను పెంపొందించడమే ఈ కార్యక్రమ లక్ష్యం.

ఈ కార్యక్రమంలో పలువురు ప్రముఖులు, జర్నలిస్టులు మరియు సంఘ ప్రతినిధులు హాజరై ఆప్యాయత చూపారు. ఈ వేడుక విజయవంతంగా ముగిసింది. భవిష్యత్తులో కూడా ఇలాంటి కార్యక్రమాలు జరుపుకోవాలని నిర్వాహకులు ఆశించారు.

మేడారం జాతర వేదికపై సంస్కృతి పరిమళాన్ని వెదజల్లుతూ, గిరిజన కళల గొప్పతనాన్ని ప్రపంచానికి చాటి చెప్పిన అరుదైన ఘట్టం ఇది. డప్పుల మోగింపులకు తాళం వేస్తూ, జానపద నాట్యాన్ని హృదయంతో ఆవిష్కరించిన వసుంధర యాదవ్ IPS, తన నృత్యంతో లక్షలాది మందిని మంత్రముగ్ధులను చేశారు. అధికార హోదా కంటే ముందుగా ఒక కళాభిమాని, ఒక సంస్కృతి సేవకురాలిగా ఆమె నిలిచిన తీరు ప్రశంసనీయం. వేదిక అవసరం లేకుండానే, నేలమీదే నిలబడి చేసిన ఆ నాట్యం గిరిజన సంప్రదాయాలకు గౌరవ సూచికగా నిలిచింది. ప్రజాసేవతో పాటు సంస్కృతి పరిరక్షణలోనూ ముందుండే ఆమె, యువతకు ఆదర్శంగా మారారు. సంప్రదాయ కళలకు ప్రాణం పోసే ఇలాంటి క్షణాలు అరుదు. మేడారం నేలపై మరోసారి సంస్కృతి వెలుగు జ్వలించింది. వసుంధర యాదవ్ గారి ఈ ప్రయత్నం గిరిజన కళలకు నూతన ఊపిరిగా మారింది. నిజంగా గర్వించదగ్గ ఘట్టం.

జనాల్లోకి వన దేవత… గద్దెపైకి సమ్మక్క!

తెలంగాణలో అతిపెద్ద గిరిజన జాతరగా పేరుగాంచిన సమ్మక్క–సారలమ్మ మహాజాతర ఘనంగా కొనసాగుతోంది. ఈ జాతరకు దేశంలోని వివిధ రాష్ట్రాల నుంచి భక్తులు భారీగా తరలివస్తున్నారు. భక్తుల రద్దీతో మేడారం పరిసర ప్రాంతాలు కిటకిటలాడుతున్నాయి.

వనదేవత సమ్మక్కను గద్దెపై ప్రతిష్ఠించడంతో భక్తుల్లో ఆనందోత్సాహాలు వెల్లివిరిశాయి. అడవితల్లి దర్శనం కోసం భక్తులు గంటల తరబడి క్యూలలో నిలబడి మొక్కులు చెల్లించుకుంటున్నారు. చిన్నారుల నుంచి వృద్ధుల వరకు లక్షలాది మంది ఈ జాతరలో పాల్గొంటున్నారు.

భక్తుల సౌకర్యార్థం ప్రభుత్వం విస్తృత ఏర్పాట్లు చేపట్టింది. తాగునీరు, వైద్య శిబిరాలు, రవాణా, భద్రత చర్యలు కట్టుదిట్టంగా అమలు చేస్తున్నారు. ఎలాంటి అవాంఛనీయ ఘటనలు జరగకుండా పోలీస్ శాఖ పటిష్ట బందోబస్తు ఏర్పాటు చేసింది.

సమ్మక్క–సారలమ్మ జాతర ప్రజల విశ్వాసం, సంప్రదాయం, సంస్కృతికి ప్రతీకగా నిలుస్తోంది.